தடுப்புக்காவல் உத்தரவின் பேரில் கல்கிசை பொலிஸ் தலைமையகத்தின் காவலில் இருந்தபோது பெண் போதைப்பொருள் கடத்தல்காரர் ஒருவர் தப்பிச் சென்ற சம்பவம் தொடர்பாக இரண்டு பொலிஸ் சார்ஜன்ட்கள் மற்றும் ஒரு பெண் பொலிஸ் கான்ஸ்டபிள் ஆகியோர் பணி இடைநீக்கம் செய்யப்பட்டுள்ளனர்.
இரவு நேரக் கடமை அதிகாரிகள் மற்றும் உதவி சார்ஜென்ட்களாகப் பணியாற்றிய இரண்டு சார்ஜென்ட்களும், சந்தேக நபரைப் பாதுகாக்க நியமிக்கப்பட்ட பெண் பொலிஸ் கான்ஸ்டபிளும் பணி இடைநீக்கம் செய்யப்பட்டதாக பொலிஸ் தலைமையகம் தெரிவித்துள்ளது.
மொரட்டுவை பொலிஸ் சிறப்பு அதிரடிப்படை முகாமில் நிறுவப்பட்ட சிறப்பு நடவடிக்கை பிரிவின் குழுவினரால், ரத்மலானை, மெலிபன் சந்தி – அத்திடிய பிரதான சாலையில் குறித்த பெண் போதைப்பொருள் கடத்தல்காரர் அண்மையில் கைது செய்யப்பட்டார்.
அவரிடம் 36,650 மில்லி கிராம் ஹெராயின் இருப்பது கண்டுபிடிக்கப்பட்டது.
குறித்த சந்தேக நபர் கடந்த 16 ஆம் திகதி காவலில் இருந்த போது தப்பிச் சென்றுள்ளதாக தெரிவிக்கப்படுகிறது.
எனினும், தப்பியோடிய சந்தேக நபர் 8 மணி நேரத்திற்குப் பின்னர் அதே நாளில் தலவத்துகொட கிம்புலா எல பகுதியில் பொலிஸ் விசேட அதிரடிப் படையினரால் கைது செய்யப்பட்டமையும் குறிப்பிடத்தக்கது.
