ஐக்கிய தேசியக் கட்சியின் உப செயலாளரும் முன்னாள் அமைச்சருமான ஹரின் பெர்னாண்டோ, மாகாண சபைத் தேர்தலை எந்த முறைமையில் நடத்துவது என்பது குறித்து ஆராய விசேட நாடாளுமன்றத் தெரிவுக்குழு அமைப்பதன் மூலம் அரசு காலதாமதம் செய்யக்கூடாது என வலியுறுத்தியுள்ளார்.
அவர் தெரிவித்ததாவது, புதிய முறைமையா அல்லது பழைய முறைமையா என்பதை ஆராயும் பெயரில் தெரிவுக்குழு அமைப்பது தேவையற்ற தாமதத்தை ஏற்படுத்தும். இதனால் தேர்தல் மேலும் தள்ளிப்போகும் அபாயம் உள்ளதாகவும் மக்கள் கருதுகின்றனர் என்றும் அவர் கூறினார்.
மாகாண சபைத் தேர்தலை இவ்வருடத்துக்குள் விரைந்து நடத்த அரசு துரித நடவடிக்கை எடுக்க வேண்டும் எனவும், மக்களின் ஜனநாயக உரிமையை உறுதிப்படுத்தும் வகையில் நிலுவையிலுள்ள தேர்தலை முன்னுரிமையுடன் நடத்த வேண்டியதுஅரசின் பொறுப்பு எனவும் அவர் சுட்டிக்காட்டினார்.சட்டச் சிக்கல்கள் இருப்பின் அவற்றை விரைவாகத் தீர்த்து, தேர்தலுக்கான சூழலை உருவாக்க வேண்டும் எனவும் ஹரின் பெர்னாண்டோ வலியுறுத்தினார்.
