புது டெல்லியில் நடைபெறும் 2026 செயற்கை நுண்ணறிவு தாக்க உச்சி மாநாட்டில் இன்று (19) உரையாற்றிய இந்தியப் பிரதமர் நரேந்திர மோடி, இந்தியாவின் செயற்கை நுண்ணறிவுக்கான மனித மையப்படுத்தப்பட்ட தொலைநோக்குப் பார்வை வெளியிட்டார்.அவர் கூறியதாவது, இந்த பார்வை மனிதகுல நலனுக்கான ஒரு முக்கிய இணைப்பாக மாறும்.
இந்த தொலைநோக்குப் பார்வை தார்மீக மற்றும் நெறிமுறை அமைப்புகள், பொறுப்புணர்வு மிக்க நிர்வாகம் மற்றும் தேசிய இறையாண்மை ஆகியவற்றை உள்ளடக்கியதாகும். உச்சிமாநாட்டில் முன்மொழியப்பட்ட தீர்வுகள், இந்தியாவில் உருவாக்கப்பட்ட திட்டத்தின் வலிமைக்கும் நாட்டின் புதுமையான திறன்களுக்கும் ஒரு எடுத்துக்காட்டாகும் என்றும் மோடி பாராட்டினார்.
இந்தக் கூட்டத்தில், பிரெஞ்சு ஜனாதிபதி இம்மானுவேல் மக்ரோன், ஸ்பானிஷ் ஜனாதிபதி பெட்ரோ சான்செஸ் பெரெஸ்-காஸ்டெஜோன், இலங்கை ஜனாதிபதி அனுரகுமார திசாநாயக்க, ஓபன்ஏஐ தலைமை நிர்வாக அதிகாரி சாம் ஆல்ட்மேன், கூகிள் டீப் மைண்ட் தலைமை நிர்வாக அதிகாரி டென்னிஸ் ஹசாபிஸ், ரிலையன்ஸ் இண்டஸ்ட்ரீஸ் தலைவர் முகேஷ் அம்பானி, மற்றும் மைக்ரோசாப்ட் தலைவர் பிராட் ஸ்மித் உள்ளிட்ட மூத்த தொழில்நுட்ப நிர்வாகிகளும் கலந்து கொண்டுள்ளனர்.
மோடியின் தொடக்க உரைக்கு பின், அவர்கள் முக்கிய உரைகளை வழங்குவார்கள் என்று எதிர்பார்க்கப்படுகிறது.இந்தியாவில் முதன்முறை நடத்தப்பட்ட இந்த AI தாக்க உச்சி மாநாட்டில் 15 முதல் 20 அரசாங்கத் தலைவர்கள், 50க்கும் மேற்பட்ட அமைச்சர்கள் மற்றும் 40க்கும் மேற்பட்ட உலகளாவிய மற்றும் இந்திய தலைமை நிர்வாக அதிகாரிகள் உட்பட, 100க்கும் மேற்பட்ட நாடுகள் பங்கேற்றுள்ளன.
